Ютре ТВ Маґазин и „Широки план”

автор ртв
844 Опатрене

НОВИ САД – У ютрейшим ТВ Маґазинє по руски буду емитовани прилоги з Вельконоцней Служби з керестурскей катедралней церкви и з Медзиокружного змаганя з руского язика и промоциї керестурскей Ґимназиї у Дюрдьове. Тиж буду и прилоги з „Бамби-фесту”, з акциї у коцурскей школи и вистави Здруженя женох „Байка”, як и о актуалних темох з польопривреди.

Такой после Маґазину, на ютре на 21 годзин будзе емитовани и фамелийни маґазин „Широки план”. Госц у студию будзе Желько Ковач з Руского Керестура, а у музичней часци наступи наша реномована шпивачка Лїляна Барна Никитович з Кули. У рубрики о мишаним  малженстве будзе представена фамелия о. Михайла Шанту з Коцура, як и туристична розгляднїца з Мокрину.

Як кажду нєдзелю, ТВ Маґазин будзе емитовани на Другей програми РТВ на 20 годзин, а реприза на штварток на 16,10 и на пияток на 5,30 годзин.

 

 

ПОВЯЗАНИ ТЕКСТИ