КУЛА – На ютре, 30. януара, у Кули, у „Непкеру”, будзе отримани Национални бал Руснацох. Цена уходнїци 1 500 дин., до нєй урахована вечера и напой, а на Балє грає оркестер Владимира Сивча.
Уходнїци за Национални бал мож купиц на трох местох – у Руским КУД „Др Гавриїл Костельник” у Кули, при Владимирови Бучкови (063/819-80-85); у Заводзе за културу войводянских Руснацох у Новим Садзе (тел. 021/548-421) и у шедзиску Националного совиту Руснацох у Руским Керестуре (025/705-222 и 705-333).
На Балє будзе и томбола, а главна награда бициґла.