СУБОТИЦА – У орґанизациї Дружтва Руснацох у Суботици на ютре, 20. марца, будзе отримана традицийна Културна манифестация „Яр Мафтея Виная”, хтора и у Календаре репрезентативних манифестацийох Руснацох Националного совиту.
З нагоди Манифестациї, предсидатель Дружтва Руснацох у Суботици Иван Гарди и членїца Дружтва Ксения Палатинус, з дзивку покойного Мафтея Виная Татяну Таґасович вчера нащивели його гроб и положели квеце.
Програма Манифестациї будзе у просторийох Єврейскей општини (Димитрия Туцовича 13 – Борова улїца), а початок на 18 годзин. Пред културну програму, за наших Руснацох у Суботици будзе Служба Божа у францисканскей каплїчки.
На програми будзе представена капитална кнїжка „Народне облєчиво бачванско-сримских Руснацох и танци бачванско-сримских Руснацох”, у виданю Заводу за културу войводянских Руснацох, як наступ новосадского Хору „Гармония”.
OLYMPUS DIGITAL CAMERA