Як ришиц проблем нєуписованя дзецох до руского оддзелєня у Коцуре

автор тах
755 Опатрене

КОЦУР – Вчера вечар у просторийох коцурского Каритасу отримана схадзка Подрученей канцелариї Националного совиту (НС) Руснацох о образованю, односно о (нє)уписованю школярох до руских оддзелєньох у коцурскей Школи.

Попри членох Подручней канцелариї и єй предсидателя Миколу Ґубаша, та иницияторох схадзки – подпредсидателя НС Миколу Шанти и членїци Одбору за образованє НС Весни Раґаї Цап, на схадзки присуствовали и предсидатель Националного совиту Руснацох Славко Рац, предсидатель Вивершного одбору НС Желько Ковач, предсидателька Одбору за образованє НС Мелания Римар, члени Одбору за образованє Совиту Серафина Яґлица и Славко Сабо, предсидатель Дружтва за руски язик, литературу и културу др Юлиян Рамач, як и вельке число просвитних роботнїкох.

1-Kocur-02

На схадзки винєшени факти о вше меншим уписованю дзецох до руского оддзелєня ОШ и предкладани дзепоєдни ришеня за мотивованє родичох же би ше одлучели на таки поцаг.

Подручна канцелария НС у Коцуре планує превжац дзепоєдни мири же би ше приблїжело ґу ришеню того велького проблему, и у тим напряме порадзене же пошвидко будзе отримана ище єдна схадзка, на хтору буду поволани родичи дзецох будуцих першокласнїкох.

ПОВЯЗАНИ ТЕКСТИ