РУСКИ КЕРЕСТУР – Штредньошколци з керестурскей Школи „Петро Кузмяк” вчера, 10. децембра, орґанизовали другу гуманитарну акцию „Єдна винчованка, єден ошмих”, на хторей предавали коло 80 крачунски и новорочни винчованки. Половка назбераного пенєжу будзе уплацена Дружтву инвалидох за церебралну и дзецинску парализу Зомбор-Кула-Оджак, а з другей половки купя дарунки дзецом з инвалидитетом з Керестура.
Винчованки правели штредньошколци, а иницияторка того збуваня и того року була матурантка Анита Абодї.
Школяром до нащиви пришли и хаснователє МНРО „Плава птица” з Кули, котрима вец вєдно правели и винчованки.