БЕОҐРАД – После наявох представительох занятих у предшколских установох же 20. новембра отримаю протест, Влада Сербиї вчера прилапела амандман же би, попри занятих у просвити, єднократну помоц достали и заняти у предшколских установох. Як порадзене, єднократна помоц тиж будзе 7 000 динари.
Понеже за предшколски установи задлужени локални самоуправи, член Закона о буджету хтори предвидзує виплацованє помоци будзе глашиц же ше занятим у установох основного и штреднього образованя и установох школярского стандарду и предшколских установох, з одлуку Влади и одвичательного орґану локалней самоуправи, може єднократно виплациц 7 000 динари.