Єлена Бесерминї знова вибрана за секретара МЗ

автор тах
862 Опатрене

КОЦУР – Штварток, 10. септембра, Совиту Месней заєднїци (МЗ) Коцур за секретара Месней заєднїци вибрал Єлену Бесерминї, котра и дотераз окончовала тоту длужносц.

Понеже секретарови МЗ Коцур 30. септембра виходзи штиророчни мандат, на розписани конкурс Совиту МЗ, хтори тирвал од 23. авґуста по 3. септембер, приявели ше два особи.

Комисия у составе предсидатель Совиту Желько Бєлан и члени проф. др Михайло Фейса и Люпка Горняк, утвредзела же конкурсни условия у цалосци сполнєла лєм дотерашнї секретар МЗ Єлена Бесерминї, понеже други кандидат нє придал комплетну документацию глєдану з конкурсом, та тота приява анї нє розпатрана.

За секретара МЗ Коцур Бесерминьова на схадзки Совиту вибрана єдногласно, а нови штиророчни мандат єй почнє 1. октобра.

ПОВЯЗАНИ ТЕКСТИ