НОВИ САД – Як Рутенпрес дознава, за одход на Централну преславу Националного швета Руснацох, котре будзе отримане у Руским Керестуре на соботу, 19. януара, єст ище места у трох автобусох котри буду вожиц насампредз учашнїкох, алє и других заинтересованих.
У автобусу на релациї Нови Сад–Дюрдьов–Руски Керестур з вчерайшим дньом остали ище седем шлєбодни места, а хто жада треба же би ше приявел до Заводу за културу ВР (021/548-421). Автобус за Керестур руша на 14,30 годзин з улїчки Войводе Бойовича ч. 13.
За место у автобусу котри вожи на релациї Коцур–Вербас–Кула–Руски Керестур треба ше приявиц Миколови Шантови (069/67-33-17). Руша ше зоз Коцура на 16 годзин, опрез Руского дому, у Вербаше автобус будзе на 16,15 годзин опрез КПД „Карпати”, а на 16,30 годзин на виходзе зоз Кули на драги за Руски Керестур.
И у автобусу на релациї Бачинци–Шид–Беркасово–Бикич–Руски Керестур єст ище места за котре ше треба приявиц Златкови Манькови (064/21-063-68). З Бачинцох ше руша на 14 годзин, заходзи ше до Шиду и на 14,30 г. ше идзе до Беркасова и Бикичу одкаль ше руша на 15 годзин. Понеже ше преходзи гранїцу при Илоку, путнїки треба же би зоз собу вжали пасоши.