Єшеньски роботи у миклошевским хотаре

автор дюлї
947 Опатрене

МИКЛОШЕВЦИ – Диждж, хтори у миклошевским хотаре пада уж треци дзень, застановел ламачку кукурици, а як гваря парасти, урожаї зменшани, окреме на поверхносцох дзе руцане менше количество штучного гною. У миклошевским хотаре вецей як на 80 одсто поверхносцох кукурица будзе олупана такой на полю, понеже скоро же престало услужне карменє статку, крем за свойо потреби, та єй будзе мало у чардакох.

Кукурица найзаступнєйша у миклошевским хотаре, алє як и у других, зродзело  вельо менєй як скорей, а пре сушу чутки и зарна менши як узвичаєне.

Як ше указало, соя у миклошевским хотаре чежше поднєсла вельки горучави и нєдостаток влаги, та урожай бул скоро за половку менши як скорейши роки, лєм коло тону и пол по гектаре.

За розлику од сої и кукурици, суша слунечнїку нє начкодзела, та штреднї урожай бул коло 3,5 тони по гектаре, цо на уровню прешлих рокох, алє було надосц поверхносци дзе натлачене и вецей.

ПОВЯЗАНИ ТЕКСТИ