РУСКИ КЕРЕСТУР – Школяре двох оддзелєньох штвартих класох Ґимназиї Школи „Петро Кузмяк” у Руским Керестуре вчера отримали традийну журку у школским дворе и шпацир по центре валалу, з чим означели остатнї дзень свойого штредньошколского школованя. Треце оддзелєнє матурантох – напрям Туристични технїчар – наставу ма ище тидзень.
Того року ґимназию закончую 34-еро школяре, а покладанє матурских испитох почнє на ютре и тирва по 9. юний.
Перши дзень матуранти буду покладац испит з мацеринского язика, потим зоз странского язика, лєбо математики, а на концу буду бранїц матурску роботу.
Матурски вечар будзе о тидзень, 2. юния, а додзельованє дипломох наявене за 20. юний.