НОВИ САД – Ґузел Нови Сад-Сивер, хтори повязує авто-драгу Беоґрад-Ниш з нововибудованим Булеваром Европи всоботу, 23. януара отворени за транспорт.
Булевар Европи за транспорт урядово отворени после 10 роких як започати роботи на його будованю, будованє седем километрох длугей драги почало 2005. року на Телепу, а роботи закончени пред 10 днями. Пред шветочним отвераньом окончени и технїчни препатрунок.
Остатня, штварта фаза вибудови почала 2012. року, з будованьом мосту, длугоким 176 метери, широким 30 метери и зоз 4-ома транспортнима пантлїками.
Булевар Европи ма вельке значенє, прето же Нови Сад тераз ма ище єден виход на автодрагу Беоґрад-Суботица, а будзе розтерховани и транспорт през Партизанску улїцу.
Булевар Европи отворел городоначалнїк Нового Саду Милош Вучевич, вєдно з директором ЯП „Драги Сербиї” Миланом Дробняком и директором ЯП „Завод за вибудов” Городу Деяном Мандичом.