КУЛА – Концом прешлого тижня Општина Кула вошла до процесу сертификованя општинох з вигодним дїловним окруженьом у юговосточней Европи.
Спорозуменє о членстве у мрежи BFC SEE (Business Friendlu Certification South East Europe) у мено Општини Кула штварток, 12. новембра подписал заменїк предсидателя Општини Кула Велибор Милоїчич, а у мено Националней асоцияциї за локални економски розвой (НАЛЕД) Виолета Йованович. Процес сертификованя будзе тирвац рок.
Сертификат з вигодним дїловним окруженьом подрозумює злєпшованє квалитету услугох и информацийох привреднїком у єдней општини и локалней самоуправи дава ясни напрмяки о тим як ма креировац дїловну климу и увесц медзинародно припознати стандарди за ефикасну и транспартентну администрацию.
Як з тей нагоди гварел заменїк предсидателя Општини Кула Велибор Милоїчич, єден з найвекших проблемох у кулскей општини то нєзанятосц, так же програма сертификованя єден зоз способох за прицагованє инвеститорох и здобуванє лєпшей позициї у тим у одношеню на други локални самоуправи.