САЛЦБУРҐ (АВСТРИЯ) – Од 27. до 29. септембра Салцбурґ (Австрия) будзе домашнї 11. Конференциї европских городох и реґийох.
Орґанизатор Конференциї Институт европских реґийох (ИРЕ), а уж дзешец роки му у фокусу стретеґиї преживйованя городох и реґийох, цо у швеце вше актуалнєйша тема. Початок Конференциї будзе пошвецени дискусиї о преширйованю Европскей униї, а на дньовим шоре буду и теми як цо реґионална енерґетска стратеґия, реґионална политика, туризем, реґионална продукция поживи и други. Окремни фокус будзе на хвильково найактуалнєйшим питаню у Европи – проблему миґрацийох хтори директно уплївує на цали реґион.
Визначни особи зоз швета политики и интересантни собешеднїки ґарантую удатну конференцию. Вецей информациї може пречитац на www.institut-ire.eu.
