fbpx

Крачунске житко

автор фес 9. децембер 2014

Дакеди давно ше верело же кед житко на Крачун густе и желєне, таки будзе и цали наступни рок. Крачунске житко символизовало и обнову живота, односно будзенє природи на яр, як и плодносц и благостан хтори ше жадало мац нє лєм през крачунски швета, алє цали рок.

Же би цо красше випатрало под ядловцом або на столє, вше лєпше зарна жита положиц до даякей украсней мисочки або шольки. Даєдни на дно судзинки накладу досц вати и добре ю навлажа з воду, на хтору ше вец кладзе зарна жита. Судзинку ше положи на цепле место же би зарно цо скорей виключкало, а през дзень треба же би було на слунку.

Звичайно, житко ше шеє на Миколая. Треба го поряднє залївац, алє нє барз, же би ше до ньго нє влапела плєшнєнїна. Од пребарз велькей влаги, кус подроснуте житко зна пожовкнуц.

Док шеєце житко добре би було до тей роботи запратац и вашо дзеци, або унучата. Буду задовольно провадзиц же як воно рошнє и як ше розвива.

(Опатрене 99 раз, нєшка 1)

НАПИШЦЕ УПЕЧАТОК