fbpx

Новорочни ванелийово колачики

автор Ясмина 30. децембер 2014

За два тепши (60–80 фалатки) потребне:

400 ґ муки

50 ґ млєти мандулї (бадеми)

100 ґ цукру

ванелийов цукер

у трох пальцох солї

200 ґ масла

3 жовчки

200 г желеа од рибизли, вишньох або кайсов маджун

3 ложки мелкого цукру

мука за посипованє

  1. Помишац муку, млєти мандулї, цукер, ванелийов цукер и соль, та додац порезане масло и жовчки.
  2. Шицко мишац з миксером єдну минуту, а вец з руками замишиц цесто. Цесто подзелїц на три часци, з каждей часци правиц лабди, закруциц до златка и охабиц 30 минути у фрижидеру.
  3. Цесто положиц на стол по хторим посипана мука, або медзи два папери за печенє и з розвалку го розцагнуц же би було 3–4 мм грубе. З мустру навиберац гвиздочки вельки коло 5-6 цм.
  4. На єдней половки гвиздочкох у штредку видлобац гвиздочки. Зограц релну на 200 ступнї, и покласц на тепшу на хтору пред тим положени папер за печенє. Печиц коло 12 минути, виняц и охладзиц.
  5. Гвиздочки без дзирки у стредку помасциц зоз желеом або маджуном, а на други посипац мелки цукер. Злїпиц гвиздочки без дзирки з другима гвиздочками. Мож их украшиц зоз ґлазуру од цукру або чоколади.
(Опатрене 104 раз, нєшка 1)

НАПИШЦЕ УПЕЧАТОК