РУСКИ КЕРЕСТУР – Вчера у Водици коло Руского Керестура була Школярска Служба Божа, з благословом за успишни школски рок з нагоди початку школского рока.

Службу Божу служел и наказовал керестурски парох о. Михайло Малацко, а капелан о. Михайло Шанта споведал.

Парох привитал коло 150 присутних школярох и їх родичох з Керестура, Коцура, Кули, Вербасу, Нового Саду, Суботици, Сенти, Ґорнього Бреґу, Бечею, Канїжи, Вершцу, Молу, Беоґраду, та прето Богослуженє було з часци и по горватски.

На концу Служби о. Малацко поблагословел шицких присутних и школярски прибор хтори принєсли школяре.

З тей нагоди отримани и презентациї и драмски слички, през хтори преглїбйоване значенє Евхаристиї, а орґанизовани и вецей рекреативни бависка. За шицких учашнїкох вчерайшого стретнуца у Водици волонтере керестурского Каритасу пририхтали закуску.