fbpx

Розвой медийских брендох – чи зме порихтани за пременки?

автор ядю 4. новембер 2015

На ютре, 5. новембра, у Беоґрадзе будзе отримана IV Реґионална конференция пошвецена меншинским и локалним медийом.

Тогорочна конференция ше отримує под мотом „Розвой медийских брендох – чи зме порихтани за пременки?”, а будзе мац три панел дискусиї на хторих ше пробує през диялоґ указац же барз важне розвивац нови комуникацийни стратеґиї меншинских и локалних медийох ґу заєднїцом з хторима комуникую.

Вчера у Прес центру Здруженя новинарох Сербиї отримана и конференция за пресу орґанизаторох на хторей наявена ютрейша конференция о хторей бешедовали Наташа Херор (Херор Медиа Понт), Владимира Дорчова Валтнерова (Центер за розвой меншинских и локалних медийох) и Татяна Лакета (НЛБ Банка).

 

(Опатрене 68 раз, нєшка 1)