fbpx

Промоция брошури о енерґетскей ефикасносци꞉ Приклади добрей пракси

автор А. Маркович 25. новембер 2015

Промоция брошури з прикладами добрей пракси енерґетскей ефикасносци малих городох Европи, як єден з резултатох проєкту „SCIENTIA – Small Cities Energy Efficient Teritorial Innovative Action” хтори реализує Енерґетски Иновативни Центер TESLIANUM, прешлого штвартку орґанизовала Општина Вербас, односно єй Канцелария за локални економски розвой (КЛЕР) и Реґионална розвойна аґенция Бачка.

Главни циль того проєкта унапредзованє и промоция применьованя Стратеґиї за енерґетски розвой Републики Сербиї по 2025. рок, а обчековани резултати проєкту:  видаванє спомнутей брошури, промоция брошури у пейцох менших городох Републики Сербиї, порушованє гражданского активизма у тей обласци и акцентованє значносци концепту Energy Efficient Small City локалним самоуправом през писмене предкладанє наступних крочайох.

– Тот наш проєкт финансовала Европска уния, односно други вельки проєкт, ЕТНАР. Городи селектовани на основи числа жительох, як и инициятивох хтори скорей мали у обласци енерґетскей ефикасносци. Стратеґийни партнер на проєкту Реґионална розвойна аґенция Бачка, а тото у Вербаше нам треца промоция. Окрем Вербасу, у проєкту и Бачки Петровец, Титель, Беочин и Бечей. Автор тей публикациї Миряна Прлєвич, а у брошури ше находза и препорученя политики хтору треба применьовац же би ше посцигло висши уровень енерґетскей ефикасносци – визначел з тей нагоди координатор проєкта Милош Радивоєвич з Енерґетского Иновативного Центру TESLIANUM.

Вон додал же то перша фаза стратеґийних рамикох, а у планє и детальнєйша енерґетска ревизия з помоцу иножемних партнерох, и здогаднул же енерґетска ефикасносц нє лєм шпорованє енерґиї, алє подрозумює цали концепт и пременку способу живота, же би ше зоз цо менєй ресурсами лєпше вихасновало енерґию.

 

Шпорованє енерґиї подрозумює и пременки способу живота

(Опатрене 68 раз, нєшка 1)