Нове „Литературне слово” приноши писнї о городох

автор ажи 22. април 2016
lit-slovo MALI

Нове, априлске, число ЛС пошвецене писательом хтори призначели свойо думки о городох. Часто нас фасциную його моцни шветла, галайк лєбо громади людзох котри ше очухую зоз плєцами и дзешка барз понагляю. Даєдни зоз тих людзох праве на тих ошвицених и конфузних улїчкох ноша зоз собу приповедку зоз даякей писнї, кнїжки, роману… Нове число почина зоз „Городску романсу”, през котру видно же городи нє лєм асфалт и бетон, а потим и рижни други искуствия зоз вельких и „бесних” городох. Тиж так на остатнїм боку дати кратки приказ и попатрунок до найновшей кнїжки Звонимира Нярадия, хтору видало „Руске слове”, а хтора представена концом прешлого тижня на Салону кнїжкох у Новим Садзе.

Поволуєме шицких читачох ЛС же би нам писали и посилали свойо идеї, критики, роздумованя и твори на електронску адресу ruske.literaturne@gmail.com.