fbpx

ВРАНЬСКА ПИТА

автор люц 4. авґуст 2016

Враньска пита подобна як и баклава, алє є нє така сладка. Швидко ше прави, алє потребне дакус часу же би ше охладзела у фрижидеру.

Потребне:

1/2 кили купчого цеста за рейтеши

1 йоґурт, або кисле млєко

4 вайца

1 погар (од йоґурта) цукру

1 погар (од йоґурта) олєю

1 пращок за печенє

1 мещок ванелийового цукру

300-400 ґрами маку, або ореха.

Сируп:

пол литри води превариц зоз 350-400 ґрамами цукру и дакус лимунового соку.

Поступок:

Зоз 4 вайцох витрепац бильчки окреме. Вец зоз миксером вимишац жовчки зоз цукром и помалки усипац олєй, кисле млєко, або йоґурт, пращок за печенє и ванелийов цукер. Помалки зєдинїц витрепани бильчки зоз другу часцу. Зоз тоту мишанїну масциц єдно по єдно цесто и посиповац зоз маком, або орехами. Одприлики 3-4 ложки потребне за єдно цесто. Так филовац до конца, а од горе положиц 2 цеста и таке сирове такой порезац на троугельнїки. Печиц на 220 ступнї док нє почервенї.

Жимни колач треба преляц зоз сирупом.

(Опатрене 65 раз, нєшка 1)

НАПИШЦЕ УПЕЧАТОК