РУСКИ КЕРЕСТУР – Рускокерестурски Русин вчера на своїм терену з Липаром одбавел нєришено – 2:2, у 28. колє першенства у Медзиопштинскей фодбалскей лиґи Зомбор.
Ґоли за Русин дали Милан Дюрич и Денис Гарди. Пре нєспортске справованє Грнчяр з Русину и єден бавяч Липару достали червени картони.
У предостатнїм колє Русин на нєдзелю госцує у Дироню, дзе бави процив Омладинцу.
Пред службеним змаганьом одбавене и змаганє ветеранох Русину и Липару, хторе тиж закончене нєришено – 1:1. Ґол за Русин дал Борис Шайтош, а можлїве же на єшень будзе направена и лиґа ветеранох.