Успишно преславени ювилей Мото-клубу „Пеґасус”

автор злк
1.1k Опатрене

КОЦУР – Мото-клуб „Пеґасус” з Коцура вчера закончел тродньову преславу свойого ювилею – 10. рокох роботи, и з тей нагоди орґанизоване и уж традицийне мото-стретнуце з рок-музику, у ушореним просторе Мото-клубу коло стадиону Фодбалского клуба „Искра”.

„Пеґасус” того року родзени дзень преславел у одличней атмосфери, шицки котри пришли на друженє були розположени, а окрем домашнїх и госцох з околїска, були и госци з иножемства.

Госци зоз Словениї, Македониї, Босни и Герцеґовини, Горватскей, Мадярскей, Австриї и зоз Сербиї до Клубу почали сциговац пияток пополадню, а домашнї их дочековали з пицом и добру рок-музику.

4-Moto-02

Пияток вечар бул концерт на хторим наступали рок-состави „Девилс” з Нового Саду, „Фауст” зоз Суботици и ґрупа „Блоу” з Вербасу, а всоботу нащивительох забавяли три ґрупи – „Декаденция” з Бачкого Петровцу, „Крокодили” з Нового Саду и „Рок старза” з Нового Кнежевцу.

Всоботу за шицких нащивительох пририхтана „байкерска пасуля”, отримани и дефиле по Коцуре, а закончени є на Площи Николи Пашича у Вербаше, дзе байкере, вєдно з полицию, отримали указуюцу вежбу о безпечним воженю. Тиж указане и як ше дава першу помоц покалїченим вожачом, як ше правилно з моторку обиходзи у круцинох, як ше ма справовац совожач и яка опрема нєопходна за безпечне воженє моторки.

Мото-стретнуце закончене вчера рано, кед домашнї випровадзели госцох з реґиону и иножемства.

4-Moto-03

ПОВЯЗАНИ ТЕКСТИ