БАЧКИ ПЕТРОВЕЦ – Пейдзешат седми Словацки народни шветочносци буду отримани од нєшка, 10. по 12. авґуст у Бачким Петровцу, алє програма провадзацих подїйох почала ище внєдзелю, 5. авґуста.
Словацки народни шветочносци представяю важну културну, алє и туристичну подїю, а їх орґанизацию уж даскельо роки подписую Општина Бачки Петровец, Матица Словацка и Национални совит словацкей националней меншини.
Тота централна манифестация Словацох у Сербиї место на хторим и того року нащивителє за три днї годни видзиц числени вистави, нащивиц рижни концерти, театрални представи и културно-уметнїцки програми на хторих ше на найлєпши способ представя културни живот Словацох у Сербиї.
Словацки народни шветочносци уж традицийно збераю вельо нащивительох, як Словацох зоз нашей жеми, так и зоз иножемства, з єдним словом, шицких хтори сцу упознац културу и традицию Словацох на тих просторох.