ДЮРДЬОВ – Тлачидба сої у дюрдьовским хотаре почала концом авґуста, а того тижня ше тлачело у полним розмаху.
Пре розлични квалитет жеми, алє и високи температури и сушу котра претаргла веґетацию, ранши сорти мали зменшани урожай. Вон помогнул познєйшим сортом и сої котра була у фази розвою.
По бешеди парастох, потераз у дюрдьовским хотаре найлєпши урожай зазначени у Ливадох и Детелари. У Риту тиж так добри род, алє пре блїзкосц Тиси и влагу прешлого тижня ридко хто тлачел. Влага на векшини польох коло 10 одсто, а принос найчастейши коло 600 кґ по ланцу. Того року, як и прешлого найвецей посадзена сорта ”балкан”. Парасти нагадую же тлачидба будзе законча по дюрдьовски Кирбай, а же цена будзе помедзи 36 и 40 динари.
У Дюрдьове сою мож придац на вецей места, а то найчастейше ДОО „Дьордє Зличич”, Землєдїлска задруга „Чуроґ”, млїн „Суботин” и Подприємство „Брамар ДОО”.