Вербащанє преславели Дзень Општини и Дзень ошлєбодзеня

автор злк
1k Опатрене

ВЕРБАС – Вербащанє вчера, 20.октобра, преславели Дзень општини Вербас и Дзень ошлєбодзеня у Другей шветовей войни. Програма почала з кладзеньом венцох на городским теметове, венци положени и на памятнїк Площа Червеней армиї, як и на памятнїк погинутим борцом у центре городу, дзе отримана и културно-уметнїцка програма.

З нагоди Дня Општини у сали Биоскопу „Югославия” отримана Шветочна схадзка Скупштини општини (СО) Вербас, на хторей бешедовали предсидателька СО Марияна Мараш и предсидатель Општини Вербас Милан Ґлушац.

2-Verbas-02

Попри гражданох, одборнїкох и представительох Општини, на Шветочней схадзки були и представителє вирских заєднїцох, политичних партийох, Войска Сербиї, борецких орґанизацийох, як и ґенерални конзул Чарней Гори у Сербиї Миодраґ Канкараш, перши секретар за политчни питаня и контакти з медиями Амбасади України Наталия Маркевич, предсатвителє Скупштини АП Войводини, як и представитель Националного Совиту Руснацох Желько Ковач.

Награду Општини Вербас того року достали хронїчар городу Вербас Владимир Увалин, Спортске здруженє „Виноґради” з Вербасу, а постгумно, Награда Општини Вербас додзелєна и проф. др Воїнови Бєлицови.

На културно-уметнїцкей програми у сали Биоскопу участвовали Городски хор „Бачки шпиваче”, школяр Основней музичней школи у Вербаше Никола Станоєвич и члени Драмско-рецитаторского студия Културного центру Вербас.

2-Verbas-03

ПОВЯЗАНИ ТЕКСТИ