Вишли нови „Дзвони”

автор маф
991 Опатрене

РУСКИ КЕРЕСТУР – Прешлєй нєдзелї у парохиї св. оца Миколая у Руским Керестуре вишло штварте тогорочне число мешачного Християнского часопису „Дзвони”, хторе у уводней рубрики „Духовне заренко” здогадує же май – мешац пошвецени пречистей Дїви Мариї.

Рубрика „Стереотипи” преглїбює ношаци слупи каждодньового духовного живота хтори ше состоя з дробнїцох, а рубрика „Слово живота” дава толкованє як жиц євангелске виреченє „Я з вами през шицки днї до конца швета”, зоз шведоченями.

Нови „Дзвони” приноша и приклади зоз живота грекокатолїкох у Сириї, нови „Сримски дожица”, трецу часц запису з паломнїцтва до Святей жеми двох наших священїкох и нове предлуженє „Шантовкох”.

„Дзвони” призначели и актуалносци зоз Вселенскей Церкви, преславу Пасхи и други подїї у вирским и духовним живоце по наших парохийох, а у рубрики „Записи” перши текст шведоченьох „Нашо крижи коло драги”.

У додатку „Богословска думка” преглїбене постсинодалне апостолске писмо папи Франциска з тему фамелиї, як и нове предлуженє о Водици – о початку вибудови церкви и орґанизованого духовного живота у тим нашим святилїщу.

ПОВЯЗАНИ ТЕКСТИ