Вишло двочисло „Дзвонох”

автор маф
1k Опатрене

РУСКИ КЕРЕСТУР – У рускокерестурскей парохиї св. оца Миколая вишло лєтнє двочисло (7-8) християнского часопису „Дзвони” за юлий/авґуст.

На 28 бокох у стандардних рубрикох нови „Дзвони” приноша числени написи за потримовку духовному животу наших вирних. У рубрики „Духовне заренко” текст з насловом „Дїлотворни лїк понукнути каждому”, „Стереотипи” розпатраю диктатуру меншини, а дожица зоз пасторалней пракси призначени у „Сримских дожицох”.

У „Дзвонох” и актуалносц у вселенскей церкви дзе, медзи иншим, и папова еколоґийна енциклика, зоз роботи Каритасу представена робота зоз миґрантами дзе робя и нашо волонтере, ту и звити зоз рижних стретнуцох и кампох дзе участвовали нашо млади.

У додатку „Богословска думка” нове предлуженє о Паповим постсинодалним писме фамелийом, а обробени почежкосци у фамелиї. У другей часци Додатку седме предлуженє пошвецене 200-рочнїци перших указаньох у Водици.

ПОВЯЗАНИ ТЕКСТИ