ГВИЗДОЧКИ ЗОЗ ПУСЛУ

автор Йозефина Будински 12. януар 2017

Потребни состойки за цесто:

300 ґр муки

200 ґр марґарину

100 ґр цукру

3 жовчки.

Потребни состойки за фил:

3 бильчки

200 ґр цукру

300 ґр млєти орехи

ложка руму за колачи (нє обовязне).

Так треба приготовиц фил:

Витрепац бильчки на твардо. Помали додавац до нїх цукер и далєй трепац. Кед бильчки и цукер досц витрепани, додац орехи и шицко добре вєдно вимишац.

Так треба приготовиц цесто:

Од датих состойкох загнєсц цесто. Розогнац го на ценко (коло 3 мм) и зоз фурмочку правиц гвиздочки. До помасценей и помученей тепши наскладац порихтане цесто. На кажду гвиздочку положиц єдну малу ложичку филу а сам верх украшиц зоз штварцину струча ореха.

Печиц на штреднєй температури коло 35 минути.

(Опатрене 133 раз, нєшка 1)

НАПИШЦЕ УПЕЧАТОК