Дзеци з України у наших местох буду од нєшка по 30. авґуст

автор маф
867 Опатрене

РУСКИ КЕРЕСТУР – До Руского Керестура ше нєшка, 22. авґуста, обчекує приход 30-ерих дзецох од 10-16 рокох, з України, зоз Житомирскей обласци хтори до наших местох приходза на екскурзию и одпочивок. Їх пребуванє орґанизує Амбасада України з Беоґраду у сотруднїцтве з нашима грекокатолїцкима парохиями и Каритасом.

Дзеци буду змесцени у интернату керестурскей Школи „Петро Кузмяк” а костирац ше буду у просторийох парохийного Каритасу. Як предвидзене, кажди дзень нащивя даєдно место, та од 23. авґуста буду у Коцуре, а надалєй у Новим Садзе и Петроварадину, потим у Кули, у Бачким Петровцу, Шиду, Беоґрадзе и Сримскей Митровици.

Кажда парохия як домашня обдума пребуванє дзецох у своїм месце и места и институциї хтори нащивя и пообиходза.

ПОВЯЗАНИ ТЕКСТИ