До ютра ше мож приявиц на екскурзию до Польскей

автор ядю
1.7k Опатрене

РУСКИ КЕРЕСТУР – Прияви за одход на екскурзию до Польскей, котра будзе отримана од 20. по 24. юлий, тирваю до ютра, 20. юния.

Екскурсизю орґанизую члени Роботного цела за младеж Националного совиту Руснацох, а поволани млади возросту 18-30 роки, котри на даяки способ активни у рускей заєднїци, а жадаю путовац и упознац ше, повязац и дружиц з другима младима Руснаками/Рускинями.

З тей нагоди будзе нащивени тродньови фестивал „Лемковска ватра” у Ждинї, дзе ше будзе камповац, а єден дзень ше препровадзи у Кракову, дзе ше нащиви и познати Яґелонски универзитет.

Приявиц ше треба прейґ онлайн прияви, у котрей треба же би ше цо лєпше потолковало на хтори способ особа активна у руским штредку и хтора єй мотивация за участвованє на екскурзиї. Линк за прияву https://docs.google.com/…/1FAIpQLSfm9lIg6R1Qwufow…/viewform…

Роботне цело за младеж обезпечує трошки превозу, костиранє (фриштики и полудзенки), а учашнїки екскурзиї плаца партиципацию за екскурзию котра нє будзе векша од 30 евра.

Предносц при вибераню учашнїкох буду мац млади котри нє мали нагоди участвовац на подобних путованьох, и будзе ше мерковац же би були облапени учашнїки зоз шицких руских штредкох. З оглядом же ше будзе камповац зоз собу треба вжац шатор, мех за спанє и друге. На фестивалу обезпечени ушорени тоалети и места за туширанє. Вибраних учашнїкох ше будзе контактовац после 20. юния.

Контакт особи Саша Сабадош, sabadossasa@gmail.com, 0611846646 и Иван Канюх, ivan91nightrider@gmail.com, 0646131958.

ПОВЯЗАНИ ТЕКСТИ