Закончена Жимска школа у Земплинскей Теплици

автор мар
1k Опатрене

РУСКИ КЕРЕСТУР – За школярох осмей класи Основней школи „Петро Кузмяк” була орґанизована Жимска школа руского язика у Земплинскей Теплици у Словацкей, од 8. до 11. януара. Жимска школа була отвореного типу за шицких заинтересованих школярох, а орґанизовал и софинансовал ю Национални совит Руснацох.

Зоз штерацецерима школярами були и наставнїци Каролина Папуґа и Саня Тиркайла, як и Желько Ковач, предсидатель Вивершного одбору Националного совиту.

Приємни домашнї за школярох орґанизовали обход музейох, каштельох, церквох и других културних богатствох у Гуменим, Требишове и Земплинскей Теплици, а шицко тото понука Кошицки самоуправни край котрому припадаю Земплинска Теплица.

Жимска школа у Земплинскей Теплици орґанизована други рок за шором, з планом длугорочней традициї, а шицко як резултат подписаного спорозуменя медзи Земплинску Теплицу и Руским Керестуром.

zimska skola 2

ПОВЯЗАНИ ТЕКСТИ