За роботу Месней заєднїци коло 4,3 милиони динари

автор мар
895 Опатрене

РУСКИ КЕРЕСТУР – На вчерайшей схадзки Совиту Месней заєднїци (МЗ) Руски Керестур прилапена Одлука о вименкох и дополнєньох Статуту МЗ Руски Керестур, хтора принєшена на уровню цалей кулскей општини, а найвекша вименка же з нову одлуку будуци зволаня совитох МЗ буду мац єденац, а нє петнац членох як дотераз.

Винєшени и Звит о роботи МЗ за перши тогорочни шейсц мешаци, а представени и Финансийни план за 2018. рок, по хторим за порядне функционованє МЗ предложени 3 милиони 416 000 динари з општинскей каси и 300 000 динари зоз самодоприносу. Заплановане вимагац и дополнююци средства – 300 000 динари за отримованє Кирбаю, 200 000 динари за виберанки за членох Совиту МЗ и 100 000 за софинансованє новорочних пакецикох, як то робя и други МЗ.

4-Mesna-02

У звиту о роботи Спортскей гали од септембра прешлого по авґуст того року Драґан Ковачевич на Совиту винєсол же дзекуюци помоци з МЗ, ЯКП ,,Рускомˮ, подприємства ,,Електромонтажаˮ, керестурскей Школи и гражданом – нє було трошки, окрем тих хтори ше видвоює за занятих. У гали под трибинами оспособени и нови простор, та ше там отримує тренинґи столнотенисерох, а простор оспособени з добродзечнима прилогами и роботу.

У Гали ище вше нє ришена система за зогриванє, а як поведзене, найвироятнєйше же тот проблем того року анї нє будзе розришени. За тераз ше простор зогрива з калориферами на струю, цо нє тирваце ришенє.

ПОВЯЗАНИ ТЕКСТИ