За участвованє на „Акустики Рутеники” прияви до пиятку

автор ркц/ядю
854 Опатрене

НОВИ САД –У Руским културним центре у Новим Садзе и того року будзе отримани музични вечар „Акустика Рутеника”, 29. септембра, а приявйованє учашнїкох тирва до пиятку, 1. септембра.

Орґанизаторе понукню вибор шпиванкох у забавним и народним духу хтори можу буц обробени, а виводзаче и буду мац нагоду прилагодзиц руски музични скарб ґу свойому смаку, и представиц го публики на музичним вечаре „Акустика Рутеника”.

Акцент програми будзе на креативносци музичарох у акустичних обробкох шпиванкох. Под акустичним виводзеньом орґанизаторе подрозумюю виводзенє шпиванкох хтори буду провадзени з инструментами як цо, наприклад, акустична ґитара, буґни, кахун, гармоника, тамбура, смиково инструменти, дуйни инструменти…

По пропозицийох, кажди виводзач може вивесц єдну нумеру сам (шпивац и грац на инструменту/ох), провадзиц шпивача/шпивачох на инструменту як провадзаци вокал, лєбо у дуету, буц часц музичней ґрупи.

Приявиц ше можу шицки заинтересовани музичаре и шпиваче од 15 по 40 роки на мейл адресу akustika.rutenika@gmail.com.

У мейлу у хторим ше виводзаче приявюю за участвованє треба написац мено, презвиско, кратку биоґрафию, а потим им орґанизаторе пошлю список шпиванкох.

ПОВЯЗАНИ ТЕКСТИ