Здруженє паприґарох орґанизує одход на судску розправу до Зомбора

автор зам
1k Опатрене

ЗОМБОР – У Привредним судзе у Зомборе на пияток, 16. юния, на 12 годзин будзе судска розправа о одлучованю о предлогу и гласанє о новим Напредок пририхтаним планє реорґанизациї рускокерестурскей фабрики „АБЦ ФУД”, по хторим предложене и же би ше за 40 одсто зменшани остаток длуства паприґаром и малим фирмом з терашнїм Планом реорґанизациї зменшало за 60 одсто и виплацовало го пейц роки, з мированьом од дзевец мешаци и рочну камату 1 одсто.

З тим новим зменшованьом ше спомнути поверителє векшином нє складаю и прейґ адвокатки до Суду придали службену Пригварку на нови план реорґанизациї „АБЦ ФУД”, як и други вимоги, а вироятно найважнєйша же би ше паприґарох и роботнїкох видвоєло од фирмох зоз заєднїцкей Д-класи поверительох и формовало єдну цалком окремну класу.

По судску розправу поверителє маю доручиц и свою одлуку о гласаню, а Здруженє паприґарох Руского Керестура планує орґанизовано пойсц на розправу до Зомбора.

Здруженє поволує заинтересованих же би ше за одход на судску розправу до Зомбора приявели найпознєйше по штварток, 15. юния. Приявиц ше мож предсидательки Здруженя Душици Орос (065/978-14-13), лєбо членїци Управного одбору Здруженя Весни Гарди (066/972-10-23), а за тераз тот орґанизовани одход кошта 350 динари.

ПОВЯЗАНИ ТЕКСТИ