„Искра” победзела у општинским дербию

автор злк
644 Опатрене

 

КОЦУР – Вчера, 20. мая Фодбалски клуб „Искра” на домашнїм терену у општинским дербию дочекала екипу „Сутєска” зоз Бачкого Доброго Поля и победзела зоз резултатом 2:1.

Ґоли за „Искру” дали Марян Малацко и Срдян Юшкович.

„Искра” одбавела добре и квалитетне змаганє и у подполносци надбавела госцох зоз Бачкого Доброго Поля, а по шансох за ґол резултат могол буц прешвечлївши.

Два кола пред концом сезони „Искра” на трецим месце на таблїчки зоз 54 бодами.

У шлїдуюцим колу будзе ище єдно дерби змаганє у котрим ше у Вербаше стретню другопласовани ОФК „Вербас” и трецепласована „Искра”. ОФК „Вербас” ма два боди вецей од „Искри”.

ПОВЯЗАНИ ТЕКСТИ