Конкурс за проєкти з информованя на язикох меншинох

автор зам
903 Опатрене

КУЛА – У кулскей општини тирва Явни конкурс за софинансованє проєктох з обласци явного информованя на язикох националних меншинох, а з буджету Општини Кула у тим року за тоту намену опредзелєни 2 милиони 400 000 динари.

Конкурс обявени на сайту Општини – www.kula.rs и у остатнїм чишлє новинох „Кулска комуна” (од 1. юния) и тирва 15 днї од дня обявйованя. Приявни формулари мож найсц на спомнутим сайту.

З проєктами, за найвецей 80 одсто їх вредносци, можу конкуровац медиї з териториї кулскей општини и правни особи котри ше занїмаю з продукцию медийних змистох, з доказом же софинансовани медийни змист будзе реализовани прейґ медийох хтори програми емитую у кулскей општини.

Мож конкуровац з медийнима змистами за информованє на руским, мадярским, українским и нємецким язику, учашнїк на конкурсу може конкуровац лєм з єдним проєктом, а видаватель вецей медийох з єдним проєктом за кажди медий. Конкуровац нє маю право видавателє хтори ше финансую з явних приходох.

ПОВЯЗАНИ ТЕКСТИ