Конкурс за студентску награду Французко-сербскей привредней комори

автор мар
784 Опатрене

БЕОҐРАД – Французко-сербска привредна комора розписала конкурс за студентску награду з тему „Отримуюци розвой у чаше диґитализациї’”, а за найлєпши три роботи обезпечени пенєжни награди од 1 000, 800 и 600 еври, сообщене вчера зоз спомнутей комори.

На конкурсу можу частвовац шицки студенти до 25 роки старосци уписани у школским 2016/17. року на даєдней з институцийох високого образованя у Сербиї. Заинтересовани кандидати маю написац есей од 15 до 25 боки на сербским язику, а роботи буду оценьовац универзитетски професоре и други углядни фаховци, як и члени Французко-сербскей привредней комори.

Термин за придаванє роботох 28. април, а додзельованє наградох будзе 15. юния, кед и пецеро найлєпши учашнїки представя свойо есеї.

Як наглашене у сообщеню, од студентох ше глєда же би дали свойо думанє и идеї як диґитализация уплївує на отримуюце дїлованє компанийох и на хтори способ може уплївовац на отримуюци розвой розличних привредних дїялносцох.

Вецей о конкурсу мож дознац на веб-адреси www.ccfs.rs.

ПОВЯЗАНИ ТЕКСТИ