Леон Юрич и Дорис Бучко школяре ґенерациї

автор мар
952 Опатрене

РУСКИ КЕРЕСТУР – На схадзкох наставнїцкей ради у Основней и штреднєй школи зоз домом школярох „Петро Кузмяк” у Руским Керестуре вибрани школяре ґенерациї зоз основней и штреднєй школи.

Леон Юрич, школяр VIIIа оддзелєня, вибрани за школяра ґенерациї медзи 50 парняками у основней школи. Юрич през свойо осемрочне школованє попри одличного успиху зазначел участвованя и числени припознаня и дипломи на школских змаганьох шицких уровньох, од школских по републични. Змагал ше зоз сербского, руского и анґлийского язика, математики, хемиї, биолоґиї и др.

Дорис Бучко, школярка IV-1 оддзелєня ґимназиї на руским язику, вибрана за найуспишнєйшу школярку штреднєй школи. Попри одличного успиху, през цале школованє, Бучкова  ше визначовала у спорту – успихи на републичним змаганю у столним тенису, наградзована є на Смотри кирилскей писменосци, а рускокерестурску школу и Републику Сербию представяла у Бриселу у рамику проєкту Европскей униї „Твой глас, твоя Европа”.

Обидвоїм школяром биоґрафию краша активносци у рижних секцийох як у рамикох школи, так и звонка. Попри тим визначени су и як добри товарише, дзечни помогнуц, а їх менторе их описую як подзековних сотруднїкох.

ПОВЯЗАНИ ТЕКСТИ