Медзи похвалєнима на фото конкурсу и Владо Няради

автор апм
778 Опатрене

ВЕРБАС – Пияток 11. мая, у рамикох Дня музейох, у Подобовей ґалериї Културного центру Вербас, за почитовательох фотоґрафиї отворена вистава фотоґрафийох з конкурсу „Музей и комуникация”. 

Першу награду достала Мая Стошич за фотоґрафию „У Лувру”, другу Дьордє Вукадинович за фотоґрафию „Сцена I”, трецу Ивана Стоянович за фотоґрафию „Скулптури”, а похвалєни Миленко Савович за фотоґрафию „Двойнїк”, Предраґ Филипович за фотоґрафию „Музей 2”, як и вербаски подобови уметнїк Владо Няради за фотоґрафию „Нови ґенерациї”.

Виставу отворели ґалеристкиня Подобовей ґалериї у Вербаше Силвиа Єлачич, историчар и кустос Городского музею Павле Орбович, проф. др Желько Шкрбич и Милован Уличевич, орґанизатор конкурсу Городски музей Вербас, а реализацию вистави помогли и Фото-кино клуб „Зенит” и Фотоґрафски клуб „Войводина”.

У составе жирию були проф. др Желько Шкрбич, Милован Уличевич и Миленко Радованов, а отверанє вистави збогацел и наступ на гармоники школярки Музичней школи „Исидор Баїч” з Нового Саду Ґеорґини Боґнар.

ПОВЯЗАНИ ТЕКСТИ