Мирович зоз шефом Делеґациї ЕУ у Сербиї

автор зам
860 Опатрене

НОВИ САД – У Новим Садзе стреду, 20. септембра, отримана схадзка предсидателя Покраїнскей влади Иґора Мировича и шефа Делеґациї Европскей униї (ЕУ) у Сербиї Сема Фабриция, котрому то була перша службена нащива Войводини. У розгваркох наглашене же Войводина ма значну улогу у процесу приступаня Сербиї ґу ЕУ, визначене напредованє проєктох хтори маю европски характер, бешедоване о ИПА-прокєтох прейґгранїчного сотруднїцтва, як и о улоги Войводини у интеґрацийних процесох у обласци меншинских правох и реґионалних аспектох сотруднїцтва – сообщене з Покраїнскей влади после розгваркох.

Як гварел Мирович, у наступним периодзе окремна увага у сотруднїцтве з Делеґацию ЕУ у Сербиї будзе унапрямена на витворйованє проєктох як цо то Жежельов мост, творенє першого Реґионалного центру за управянє з одпадом у Суботици и ришованє заґадзеносци Велького бачкого беґелю.

Сем Фабрици здогаднул же ЕУ у Войводини и Новим Садзе финансує вецей инфраструктурни, науково-виглєдовацки проєкти, проєкти у обласци владаня права и у польопривреди, чия вредносц 460 милиони еври.

Окреме похвалєл способ уключеносци Влади Сербиї и Покраїнскей влади до питаня витворйованя меншинских правох, а маюци у оглядзе же Нови Сад 2012. року будзе Европска престолнїца култури, то ище єдна причина же би Нови Сад мал визначну улогу на мапи Европи, як и за його будуци нащиви Новому Саду и Войводини.

После розгваркох у Покраїнскей влади, Шеф Делеґациї ЕУ у Сербиї Сем Фабрици нащивел и Город Нови Сад, дзе бешедовал з городоначалнїком Милошом Вучевичом.

5-APV-02

ПОВЯЗАНИ ТЕКСТИ