На нєдзелю „Най ше нє забудзе”

автор ядю
903 Опатрене

ДЮРДЬОВ – Тогорочни 15. Фестивал жридлового шпиваня „Най ше нє забудзе” будзе отримани того викенду, на нєдзелю, 20. авґуста, у Дюрдьове.

Пропозициї Фестивала обявени скорей, а до Културно-уметнїцкого дружтва „Тарас Шевченко” Орґанизацийному одбору Фестивала сцигли прияви 14 шпивацких ґрупох за змагательну часц Фестивала з 11 наших местох – з Орахова, Кули, Руского Керестура, Вербасу, Коцура, Дюрдьова, Нового Саду, Шиду, Бикич Долу, як и два шпивацки ґрупи зоз Републики Горватскей, з Петровцох и Миклошевцох.

Пред фестивалску часцу, хтора почнє на 20 годзин, у дворе опрез будинку КУД „Тарас Шевченко” на 16 годзин будзе отворена вистава „Стари ремесла”, а на 17 годзин у Рускей школи вистава „Дакеди було” чия тематика будзе повязана зоз дарунком котри од орґанизаторох достаню шицки учашнїки.

ПОВЯЗАНИ ТЕКСТИ