На отвераню Мемориялу и Дядьова фамелия, и автор „Ковальох”

автор маф
846 Опатрене

РУСКИ КЕРЕСТУР – Нєшка на 19,30 годзин, у велькей сали Дому култури почина ювилейни 50. Драмски мемориял Петра Ризнича Дядї, хтори отвори представа домашнього РНТ „Дядя” „Ковалє”, а на 11,30 будзе и перша дзецинска представа „Дзивчатко и жобрак” Етно-клубу „Одняте од забуца” з Коцура.

Мемориял отвори предсидатель його Орґанизацийного одбору Йоаким Рац, а обчекує ше приход госцох – фамелиї Павла Ризнича, сина Петра Ризнича Дядї зоз Словениї, як и автора тексту за представу „Ковалє” Милоша Николича зоз Панчева.

Пред представу будзе емитована видео-ретроспектива о потерашнїх мемориялох хтори пририхтала Руска редакция РТВ Войводини, а у голу Велькей сали будзе вистава плакатох и фотоґрафийох о предходних мемориялох.

Ювилейни Мемориял финансийно потримую Општина Кула, Министерство култури и информованя Републики Сербиї, Покраїнски секретарият за културу, явне информованє и одношеня зоз вирскима заєднїцами АП Войводини и Национални совит рускей националней меншини.

Уж скорей обявени розпорядок шицких представох по дньох виводзеня, а як и каждого року, и тот, ювилейни Мемориял будзе зазначени у нашей фотоґалериї. 

ПОВЯЗАНИ ТЕКСТИ