На соботу у Руским Керестуре Актив вихователькох

автор ядю
886 Опатрене

РУСКИ КЕРЕСТУР – На соботу, 2. септембра, у Предшколскей установи „Бамби”, оддзелєню „Цицибан” у Руским Керестуре, будзе отримани Актив воспитачкох/вихователькох руского язика у орґанизациї Дружтва за руски язик, литературу и културу.

На схадзки будзе бешеди о сликовнїцох за дзеци, як литературного жанру, зоз виставу скорейших виданьох, огляднуце на дипломски и мастер-роботи вихователькох руского язика, а буду розпатрани и актуални питаня и предкладаня з обласци предшколского воспитаня и образованя по руски на початку школского 2017/18. року.

Просториї Оддзелєня „Цицибан” тей предшколскей установи находза ше у улїци Маршала Тита 77, а Актив почина на 10,30 годзин.

ПОВЯЗАНИ ТЕКСТИ