На центру огньомет, орґанизовано лєм на Лонґове, а у церкви Новорочни молебен

автор мар
886 Опатрене

РУСКИ КЕРЕСТУР – Орґанизовани, символични дочек Нового 2019. року у Руским Керестуре и на тот завод будзе у центру валала. Точно на полноци будзе виштрелєни огньомет за котри средства обезпечела Месна заєднїца Руски Керестур, а у Катедралней церкви у новорочней ноци, 30 минути после пол ноци, будзе традицийни Новорочни молебен.

Проблем озбильнєйшей и спектакуларнєйшей орґанизациї новорочней програми на центру настал нє лєм пре нєдостаток финансийох, алє и пре нови риґорозни законски предписаня, по котрих потребни рижни лиценци, професийна безпечна служба, приява до полициї, плаценє високих таксох до СОКОЮ и друге. Пре плановане виштрельованє огньомету, МЗ обезпечела держурство огньогасцох и медицинскей помоци, а тиж виплацена и предписана такса.

У Руским Керестуре, у погосцительних обєктох, орґанизовани дочек з музику планує лєм ресторан „Лонґов”, хтори будзе наплацовац уход и вечеру, а подобно и за репризу дочеку, 1. януара. Подробнєйши информациї мож достац у ресторану на тел. 025/703-611.

Того року дочек Нового року нє будзе орґанизовани у ресторану „Червена ружа”, ресторан того вечара будзе поряднє отворени, без музики, зоз скраценим єдловнїком, а подробнєйши информациї мож достац на телефонске число 025/703-307.

Дискотека „Амадеус” 31. децембра будзе робиц, алє нє будзе орґанизовани дочек, а уходнїца до диску будзе 300 динари.

ПОВЯЗАНИ ТЕКСТИ