На „Ґулашияди” найлєпши кухаре Дюрдьовчанє

автор сас
767 Опатрене

 

ДЮРДЬОВ – Всоботу, 19. авґуста, у Дюрдьове отримана треца „Ґулашияда” у орґанизациї Ловарского дружтва „Дюрдьов”. Змагали ше трицец штири екипи, а за побиднїкох преглашени Дюрдьовчанє.

Змагателє, окрем домашнїх, пришли зоз Шайкашу, Катю, Чуроґу, Жаблю и Ґосподїнцох. Кухаре за варенє достали три кили сарньового меса, ґулаш ше варело три и пол годзини, а оценьовал го трочлени жири – инструктор вареня Драґан Боривой з Чуроґу, кухар Бранислав Чепски з Дюрдьова и власнїк ресторану „Салаш 84” Хаджи Димче Ґулевски з Нового Саду.

DSCN5816

Перше место завжала екипа „Спортски риболовци” (кухар Петар Надьфей), друге место „Тито и Йованка” (кухарка Йованка Вранац) и треце место „Жива и патульки” (кухар Йоаким Молнар Жива). Першопласовани кухар за награду достал мурованє роштилю, другопласовани котлїк з ножками, а трецопласовани єднодньове хаснованє сали и лєтнїковцу Дружтва.

Орґанизатор змаганя Ловарске дружтво „Дюрдьов”, котре и найвекши покровитель, Месна заєднїца Дюрдьов и вецей як трицец локални спонзоре.

DSCN5789

ПОВЯЗАНИ ТЕКСТИ