Нови контракти за наводньованє у Войводини

автор ртв
946 Опатрене

НОВИ САД – Покраїнски секретар за польопривреду, водопривреду и лєсарство Вук Радоєвич уручел нови 145 контракти за додзельованє безповратних средствох за софинансованє набавки опреми за наводньованє и вибудов експлоатацийних студньох у Войводини.

Вкупна вредносц тих инвестицийох виноши 98 милиони динари, з чого зоз покраїнского буджету обезпечени 61 милион динари, односно 62,3 одсто.

З реализацию тих инвестицийох у Войводини под систему за наводньованє буду нови 385 гектари обрабяцей жеми.

Векша часц, 288 гектари, буду ше наводньовац з воду зоз студньох, а 97 гектари з воду з беґельох.

Найвекше интересованє було за набавку системох за наводньованє у заградкарстве, а вкупна вредносц тей инвестициї 54 милиони динари.

За системи за наводньованє у овоцарстве видвоєни 28,3 милиони динари, а у землєдїлстве 15,7 милиони динари.

ПОВЯЗАНИ ТЕКСТИ