Нєодлуга е-рецепт у цалей Сербиї

автор ртв/ядю
1.1k Опатрене

БЕОҐРАД – Министер здравя Златибор Лончар виявел вчера у Беоґрадзе же е-рецепт (електронски рецепт) зажил у Беоґрадзе, а о мешац, або мешац и пол, зажиє у цалей Сербиї.

„Предносц видаваня е-рецепта огромна. Людзе вецей нє муша ходзиц до лїкара общей пракси раз мешачно заказовац, реґуловац партиципацию, алє лєм раз у шейсцох мешацох, а потим кажди мешац иду лєм до апатики вжац свою терапию”, гварел Лончар.

Министер додал же потераз видати вецей дзешатки милиони рецепти и же тераз розтерховани и лїкаре у домох здравя, та ше баржей можу пошвециц пациєнтом котрим помоц швидко потребна.

На початку було зауваги на систему, гварел Лончар, як и на шицко нове цо ше уводзи, а проблеми котри ше зявйовали ришовани у ходу, та тераз шицко функционує.

ПОВЯЗАНИ ТЕКСТИ