Окружне змаганє зоз странских язикох

автор злк  фото тах
675 Опатрене

КОЦУР – Всоботу, 25. марца, ОШ „Братство єдинство“ з Коцура була домашня Окружному змаганю з анґлийского и нємецкого язика, на хторим участвовали 22-ойо школяре – з анґлийского 21, а з нємцкого язика лєм єдна школярка. З коцурскей Школи на змаганю участвовали штверо школяре.

За перше место з анґлийского язика анї єден школяр нє освоєл достаточне число бодох,  друге место освоєл Велько Чорович, а треце Андєла Вуїчич, обидвойо з ОШ „Петар Петрович Нєґош“ з Вербасу.

Єдина школярка котра з нємецкого язика участвовала на Окружним змаганю – Неделька Миянович з ОШ „Братство-єдинство“ з Вербасу – освоєла достаточно боди за друге место.

Школяре котри освоєли перши три места виборели пласман на Републичне змаганє, хторе будзе 30. априла.

Змаганє зоз знаня странских язикох орґанизовало Дружтво за странски язики и литературу, з потримовку Министерства просвити, науки и технолоґийного розвою и ОШ „Братство єдинство“ Коцур.

ПОВЯЗАНИ ТЕКСТИ