ВЕРБАС – Пияток, 1. децембра, у Ґалериї Здруженя подобових уметнїкох Вербасу (УЛУВ) отворена самостойна вистава фотоґрафийох Бориса Барановского з назву „Паралелни швет”.
Уметнїк у Финскей направел завидну колекцию фотоґрафийох з хтору ше намагал дочаровац корелацию чловека и природи з хтору є окружени, а мотив пренашол у печаркох.
Виставу у Вербаше отворели професионални фотоґраф и ношитель високого званя Кандидат майстор фотоґрафиї Фото союзу СЦҐ Райко Каришич и предсидателька УЛУВ-у Тамара Барановски, а будзе тирвац по 15. децембер.
