Отримана 4. Манифестация „Дюрдьов отвореного шерца”

автор сас
713 Опатрене

ДЮРДЬОВ – На тогорочней, штвартей Манифестация „Дюрдьов отвореного шерца” котра отримани всоботу 4. авґуста, наступели два бенди и двоме ди-джейове, програму провадзели коло два и пол тисячи нащивителє на спортским полиґону у центре Дюрдьова.

Окрем того же Манифестация промововує Дюрдьов, млади орґанизаторе ше остарали же би од першого року на тей масовней журки презентовало и дюрдьовски нєурядови бренд – ґереґи. Як и прешлих рокох, фамелия Александра Шовлянскового понукла нови продукти з ґереґи – слани упукани маґочки, маджун и рижни коктели зоз ґереґу и диню.

На бини наступел познат „Ван Ґоґ”, а добру увертиру за їх наступ направела ґрупа Bandx Real Tribute бенд AC/DC, а конєц вечара бул резервовани за двох младих ди-джейох котри по походзеню з Дюрдьова – Meisten Mthaza и Душан.

Манифестацию финансийно потримали Општини Жабель, Месна заєднїца Дюрдьов, Туристична орґанизация Општини Жабель, Покраїнски секретарят за културу, образованє и одношеня з вирскима заєднїцами и Покраїнски секретарият за польопривреду, водпоривреду и лєсарство.

ПОВЯЗАНИ ТЕКСТИ